Кумторкалинский район
МКОУ «Коркмаскалинская СОШ»
Кумыкский язык
Сочинение на тему
«Моя будущая профессия»
Написала ученица 11 «А» кл.
Коркмаскалинской СОШ»
Гаджиева Асият
Учитель: Тавекелова У.А.
2019г.
Мен танглама сюеген касбу.
Лап яш чагъымдан башлап, мен болажакъ касбум гьакъда ойлашма башладым. Гьалиги заман кеп тюрлю касбуланы арасында сайламагъа бек къыйын. Кеп ойлашгъан сонг, шо яшдан берли оюма гелеген, мен сав оьмюрюмню багъышлама сюеген – муалимни касбусуна токъташдым. Мени гьасиретлигимни гьакъында анам да кеп хабарлай. Гиччи заманымда анамны тиштабанларын да гийип, сумка да тагъып, орамдагъы яшланы жыйып муалим болуп ойнама кеп сюе эдим.
Мени гезюмден, муалимлик касбу лап да жамият учун агьамиятлы касбу, неге тюгюл инсанны къурулушунда муалим аслу ер тута, ону яратывунда къылыкъны, эдепни оьр уьлгюлерин, лап да гёрмекли къайдада оьзюн тутагъан, юрютеген болмагъа уьйрете, гележекдеги уьстюнлюклеге ёлун ача.
Бир ягъындан алсакъ, муалим касбу къыйын касбуланы бириси, неге десегиз о чыдамлыкъны, гьар заман оьзюню билимин артдырывну, яшлар булангы янашывлукъну талап эте. Мен ойлашагъан кюйде, муалим яшлар булан ишлеп, оланы гьакъ юрекден сюеген адам боладыр. Неге тюгюл оланы тарбиялав — оланы сюймекдир, гьар заман олагъа тергев бермекдир. Муалим – яхшы амаллы, таза юрекли, илиякълы, ачыкъ, гьай этеген, тергевлю, англайгъан, кепли адам болмагъа герек деп ойлайман. Ол оьзюнден лап оьр уьлгюлер алардай адам болмагъа герек. Мен айтма сюегеним, мулим охувчуну билим булагъы, ону билимини кюрчюсюн сала, яшны охувгъа яхшы яда яман янашагъанлыгъын болдура.
Мени бешинчиден башлап рус ва ана тил дарслардан береген муалмимим – Умгьани Аюбовна – бек пагьмулу, оьзюню ишин сюеген адам, бары да яшгъа бир йимик, бир гёзден къарайгъан ачыкъ юзлю къатын. Ол бизин класны руководители де дюр.Оьзюню бары заманын, билимин, гючюн бизге багъышлай, неге тюгюлол биз гьакъыллы, яхшы амаллы, гертиликни сюеген адамлар болгъанны сюеУ.Аюбовна бизин рус ва ана тилни уьйретмекден къайры айланадагъы яшавну яхшы янларын англамгъа уьйрете. О къатты да дюр, бек талап да эте, тек адилли тюз муалим де дюр. Бизин сююнчлерибизге сююнюп, гиччи къыйынлыкъларыбызгъа къайгъырма да къайгъыра, тюз ёлгъа да сала, къысгъача айтгъанда, бизин экинчи анабыз да дюр.
Ана тилим къолдагъы бал къартыгъым
... юрегим ярыла. Ана тиллерде чыгъагъан газетлерибиз, журналларыбыз не болур экен деген ой бизин талчыкъдыра. Буса да бизин генгюбюзню ... деген ойгъа инанмайман. Тилни яхшы уьйренегенден къайры адамлыгъыбызны да таза сакъламагъа гьаракат этебиз. Ана тил дарсларда муаллимлер ... Неге десе къумукъ тилни билеген адам дюньяны нече ерине барып, башгъа тюрк тиллерде сейлейген адамланы да англап бола. Бизин ...
Мен болажакъ оьзюмню касбумда , кеп сюеген муалимим йимик шолай уллу касбулукъ оьрлюклеге етишме сюемен. Муалим болгъанда оьзюню ишин сюеген, намуслу, гьюрметли, ачыкъ, тюз муалим болмагъа умут этемен. Балики, гьар заман олай болмагъа да бизин яшавда къыйын болма да ярай, неге тюгюл гьар яш – айрыча бир юьзюне хас ачгъыч тапма тюшеген бир гиччи дюнья.
Тарбиягъа бакъгъан якъда четим масъалалары бар яшлагъа къол ялгъамагъа сюемен, ата-анадан аз тергев алагъан, оьзюню тенглилери булан янашыв табып болмайгъан яшлар булан ишлемеге сюемен. Олагъа кемек эте туруп гележекде жамиятны арасында насипли, оьзлеге инанагъан адамлар болмагъа къошум этежекмен деп эсиме геле. Гертиденде, дюньяны алышдырарман деп ойлашмайман, тек бир-эки адамгъа кёмек этме, тюз ёлгъа салма къаст этме ярайчы.
Болажакъ касбум гьакъда ойлашып йиберсем, школамдагъы муалимлериме къарап, бизин тарбияламакъ учун, билим бермек учун олар нечик къыйын тегегенин англайман. О буса, гертиден де, уллу гьюрметге лайыкълы гьал. Яшлар муалимине гьюрмет эте буса, ону абурлай буса, огъар гьашыкъ буса, ол береген предметни де сюежек, охумагъа да къаст этежек.
Мен билемен, тынч ёлну тангламагъа хыялым ёкъ. Бир-бирде оьзюмню гьалыма, имканлыкъларыма инанмай да йиберемен, Тек тез шо ойларымны къувалап, кютюп болмасдай зат ёкъ, эгерден оьзюню ишин сюйсе, яшланы сюйсе, яшавунгда алдынга салгъан мурадынга етишме тынч бола.
Шо саялыгъа да, мен яшлар магъа къарап уьлгю алардай, магъа ошамагъасюеген охувчуларым булангъы муалим болмагъа сез беремен.
