На лезгинском языке «Мой родной язык»

Дуьньядин винел вичин хайи дидедин ч1ал авачир са халкьни-гьич авайди туш. Дидедин ч1ал – ам чаз дидедин нек1едихъ галаз, дамарра авай иви хьиз, кьиле авай мефт1 хьиз бахшнавай багьа зат1 я. Ч1ал- алимри къейдзавайвал, гьар са халкьдин векилдиз ам садахъ галаз рахун, вичин фикирар ачухдаказ лугьун,яб акалзавай кас дуьз гъавурда хьатун патал ишлемишзавай сенят, яракь я лагьайт1ани жеда. А патал алай касдин рахунихъ яб акалайла чаз ада шадвал ийизвай, хажалатзавани адетдин ихтилат суьгьбет ийизвай чир жезва. Ч1алахъ мад са кьет1енвал ава. Чавай са кьадар яргъал алай касдал,жуваз вуч лугьуз к1анзават1а,жуван фикир агакьризни жезва. Лезги ч1ални вичиз хсуси к1ел-кхьин авай ч1аларикай я. Идалай вилик чи дидед ч1алал, к1ел-кхьин авач лугьудайбурни хьана, амма тарихдин деринар ахтармишайла къекъевейла, лезги ч1ал, эвелдай къванер, чархарал кхьена, ахпа вичихъ. Алпан гьукумат хьайила чир жезва. Адалай гуьгъуьнизни, чал яракь гзаф атай чахпунчийри чпин ч1алар ишлемишиз хьанайт1ани чи арайра, гьабуру кьабулиз тунвай алфавитдалди ва дидедин ч1алал кхьей зат1ар,документар чилик акатна варан-зара хьанвай кхьинар чаз жагъизва, чи баркаллу илимри абур к1елзава.

Дидедин ч1ал чахъ хайи йикъалай башламишна, ракъинин ишигъ хьиз, гъетерин нур хьиз, гьар декьикьада чи жигерар ч1угвазвай гьава хьиз йикъа са шумудра незвай ризкьи ва хъвазвай ядхьиз агакьзава. Чаз гьар пакамалай няналди, чит балайриз кьеп1инин кьилихъ дидейри язавай лайлаяр ван жезва, радиодай, телевиденидай, школада, тарсарай, хуьре-к1вале ва к1валахда-кеспидал ийизвай рахунар ванер къвезва. Ч1ал булахдай къвезвай гьамгадин яд хьиз, къвердавай михьи жез,къвердавай хци жез чал агакьзава. Чна дидедин ч1алал к1валахни ийизва, чна адал дамахни. К1валах ам я, чун жуван ч1алал лезги ч1алал рахаз гьар гьи хьуруьз фейит1ани, масадан ва я маса ч1алал куьмек галачиз рахазва. Са гафуналди лезги ч1ал – дуьядин амай халкьарин ч1алар хьиз девлетлуни я, къиметлуни. Гьайиф , са бязи инсанри, дидедин ч1ал ам гьина герек къвезвайди я лугьуз, кваз такьазвай чи аяларниава. Шегьерда яшамиш жезвай аялривай, хайи ерийрай хтай вахтара абур, бкгьем дидедин ч1алал рахаз тежез жезва.

10 стр., 4769 слов

Диде на лезгинском языке

... цав хьурай, куь дидейрин чан сагърай. Дидейрин сувар (День матери на лезгинском языке) , Гьардаз вичин чка ава, Дагълар гьуьлуьв агуд женни? Заз ... Балад уьмуьр вичин кула пар хьиз авай чан Диде я., Хьурай къадир веледариз къуй дидедин гьар береда,, Чаз дуьняда гьахъ женнетдин ... хьуй. Магомед: Жез гьамиша сивел хъуьруьн Куьн абур я лезги хуьруьн Гьар са нямет хьуй квез ширин Дидед сувар мубарак хьуй. ...

Хъсан кар я мектебра дидед ч1алунин тарс амай предметрин арада туна. Ик1 чна чи ч1ал рик1елай алуддач. Тарсара чи муаллимри чаз чи адетрикай, чи алимрикай, чи хуьрерикай,чи шаиррикай, суьгьбетар ийизва. Чна чи ч1ал гуьгъуьниз къведайбуруз туна к1анда. «Хайи ч1ал тийижир инсан еке бахтуникай магьарум я»- лугьузва халкьдин мисалда. Заз жуван дидедин ч1ал к1ан я ва адал дамахзава.

Жуван хайи ватан,ч1ал рик1елай алудмир, лезгияр!

Муниципальное бюджетное общеобразовательное учреждение средняя образовательная школа №1 им. В.Громаковского городского округа «город Дербент»

Сочинение

«Мой взгляд на сохранение родного языка»

Участник конкурса: Муслимова Милена Рауловна

Руководитель МБОУ СОШ №1 : Исмаилова Н.Р.

Педагог : Османова С. И.