Без безнен ишегалдыбыз хэм урамыбыз

Сочинение

Зур Тигәнәле урта мәктәбенең 3 нче сыйныф укучылары белән һәр елны яз җитүгә күчмә кошларның килүен күзәтәбез. Кошларны күргән саен балалар шатланалар, үзләренең шатлыклары белән уртаклашалар. Менә быел да кошларны каршы алып, алар турында “Кошлар — безнең дусларыбыз!” дигән темага иншалар яздык. Шуларны сезгә дә тәгъдим итәбез.

Зур Тигәнәле урта мәктәбенең башлангыч сыйныфлар укытучысы

Роза Шәмсетдинова

Әй, кошым, кошкаем,

Канатлы дускаем!

Көтәбез без сине,

Килер дип, ел саен.

Оялар куябыз

Сиңа дип,һәр елны.

Кер әйдә,ояла,

Сайла үз ояңны!

Кошлар — безнең дусларыбыз!

Яз җитүгә бар табигать уяна, җанлана башлый. Яз бик тә матур вакыт! Табигатькә тагын да ямь өстәп, көзен киткән кошларыбыз кире туган якларына кайталар. Иң беренче булып кара каргалар килә. Аларны күргәч күңелле була. Алар артыннан сыерчыклар килә. Без аларны оялар ясап каршы алабыз. Көннәр җылынып беткәч карлыгачлар, тургайлар, сандугачлар килә. Миңа сандугач сайравы ошый. Ул таң беленгән вакытта матур итеп сайрый.

Табигатьтә кошларны күзәтергә мин бик яратам, чөнки алар безнең яраткан дусларыбыз.

Кадрия Хәлилова

Менә ямьле яз да килеп җитте. Кояш тагын да ныграк җылыта. Көннәр озыная, төннәр кыскара. Табигатьнең шул билгеләрен кошлар да белә, туган якларына кайта башлыйлар.

Беренче булып кара каргалар кайтты. Кайтуга оя ясый башладылар. Тиздән балалары да чыгар. Каргалар артыннан сыерчыклар кайттылар. Алар кешеләр ясаган ояларга кереп оялыйлар. Матур итеп сайрыйлар. Кошлар бик файдалы. Алар зарарлы бөҗәкләрне юк итәләр.

Безнең якның табигате бик матур. Шуңа күрә кошлар да бик күп.

Айзилә Гарипова.

2 стр., 978 слов

Мин табигать баласы

... р, бал кортлары юк анда. Ә ничек матур итеп кошлар сайрый, әйтерсең алар берсен-берсе уздырырга тырышалар. Ул кошларның җылы яктан туган якларыбызга кайткан ... мине. Мин чишмә челтерәвен, кошлар тавышын тыңлап үстем. Ни өчендер, нәкъ менә авыл баласы хисчәнрәк була. Табигать ... җир булып тоела. Сарайлы авылы дөньяның иң матур кочагында урнашкан. Безнең авылыбыз тау өстендә урнашканга күрә, хан сарайлары ...

Яз җиткәч күчмә кошлар үзләренең туган якларына кайталар.Беренче булып кара каргалар очып килә, алардан соң сыерчыклар күренә башлый. Соңрак тургайлар, күкеләр, сандугачлар, карлыгачлар очып киләләр. Кошлар килгәч табигать тагын да матурлана.

Кошлар көненә үзләренең гәүдәләре кадәр авырлыкта бөҗәкләрне ашап юк итәләр. Үсемлекләрне төрле бөҗәкләрдән саклап калалар. Табигатькә бик күп файда китерәләр.

Без кошларны сакларга һәм аларга ярдәм итәргә тиешбез. Алар безнең дусларыбыз булып яшәсеннәр.

Данил Вазыхов

Мин кошларны яратам. Бигрәк тә тукранны яратам. Чөнки ул безнең агачлардагы бөҗәкләрне юк итә. Ул шулай агачларны коткара.

Яз көне безнең якларга кайткан кошлар да агачларны корткычлардан саклыйлар. Матур итеп сайрыйлар да әле.

Мин кошларны яратам.Тимәгез кошларга, аларның да балалары бар.

Тәбрис Нигъмәтуллин

Март җитүгә урамда каргалар тавышы ишетелә. Яз килгәнен шуннан беләбез. Урамда шундый рәхәт! Табигатьтә кошлар күбәйгәннән күбәя бара. Һавада торналар, кыр казлары, кыр үрдәкләре дә күренә башлый. Алар матур булып тезелеп очалар.

Кошлар безгә зур файда китерәләр. Алар ,кортларны ашап, агачларны корудан саклап калалар. Ә агачлар һаваны чистарта.

Кошларга тимәгез, саклагыз аларны!

Азат Мирзагалиев.